您现在的位置是:主页 > Q翼生活 >摄影日记●日日记首次女模外拍 >

    2020-07-12摄影日记●日日记首次女模外拍

    摄影日记●日日记 (一)

    (o係开始之前, 小弟我先自我介绍一下 (^_^).)

    我係亚John, 朋友都叫我成成/John John,

    20岁,现时係澳洲留学, 修读护士.

    摄影知识十分有限, 不过正义务跟随一位摄影师工作,

    希望可以改进一下~!(XD)

    (好啦~入正题)

    早前识到一位马来西亚女同学, 佢有眼无珠, 想请我为佢拍一辑"私影" (@_@).

    我从未有单独拍摄女模既经验,因为以前都係跟住"师傅"去既,

    根本就冇实际经验...

    不过同学再三表示唔介意结果, 于是我就胆粗粗答应左.

    (广告时间: 请支持下我既Page 啦^^")

    John Sing Photography


     

    "外国地方风景如画" 

    冇错, 澳洲地方大, 四围都係花花草草,

    照道理係好容易搵到合适既拍摄场地,

    不过原来一大片草地都会有问题出黎.

    因为女主角冇拍摄经验, 表明 "所有Pose 都会难到我" (=_=") ,

    到时女主角可能就会呆呆咁,一碌木坐係度OR企係度.

    取易不取难, 于是我去左一个儿童游乐场, 做左2次实地视察,

    发现上午8-11点同下午既4-7点都好适合拍摄,因为阳光都偏向柔和.

    (猛烈阳光会令主体同背景既光暗差别加大, 好可能要捨弃背景, 令背景死白.)

    (主角面对太光亮既环境亦好可能要"蒙蒙眼", 即使唔洗, 胴孔亦会缩细, 显得比较"无神")

    係8-11点 同埋4-7点之间, 我拣左下午.

    大家起身照下镜都知咩事啦, 口肿面肿仲话影相 (=D).

    我又搵左一个旧相机用黎做道具, 希望主角拎住D野个心可以定D,

    又可以用佢帮助摆下Pose.

    原来同Model 既沟通真係好紧要, 唔止係拍摄既时候, 拍摄之前都係.

    係我好紧张既时候, Model 都早已为拍摄做紧準备.

    Model拣左衫同鞋, 不过同我心目中有好大分别,

    发现左问题, 原来係我冇好好交代我心目中既拍摄气氛,场境同题目.

    沟通过后,  双方对髮形, 衣着等都有共识.

    (不过拍摄当日发现Model既友人为佢化装同拣衫,完全冇理会我提出既意见, SoSad.(-.-") )

     


     

    开始拍摄

    拍摄既时侯Model 对住镜头笑笑笑, 所以影相既我忽略左Model 其实真係会笑到"累".

    休息时间同Model 分享刚才既拍摄成果, 可以增加Model 信心, 又可以令气氛更加轻鬆~Good =D!

    係拍摄既前段, Model 同我都比较紧张, 我唔够胆讲出自己既要求, Model 都唔够开怀.

    如果Model 未能投入, 读者会係Model 既眉梢中感觉到.

    所以我提出先拍摄比较动态既照片, 就係传说中既 "飘浮照" (@0@) ,

    玩完一轮之后 Model 开始习惯镜头, 亦放心係有路人既情况下摆POSE.

    拍摄途中, Model 既友人表示好闷同好累, 係长椅训左.(但係当时只係影左20几分钟)

    冇左呢位友人, 虽然唔至于有咩大损失, 但就添左唔少麻烦,比如说冇人帮 Model 整理头髮等等.

    所以搵朋友,最好搵个对摄影有热诚既, 而唔係搵个只係对摄影好奇既人.

    因为佢地可能只会视摄影係一种吹毛求疵既玩意, 往往只会令有要求既你失望(~_~").

     

     

    今次既拍摄令我发现左...

    1. 订立主题同地方后要马上同Model 沟通沟通, 以免浪费Model 一番心机.

    2.实地视察好紧要, 加快拍摄效率!!

    3.Model 原来唔係住係我肚入面的(偷笑)!! 要狠狠地提出我心中所想, 等Model 知我想点.

    4.我唔洗怕羞, 因为Model 仲怕羞过我(@v@).

    5.要注意Model 既状态~比佢休息, 仲要係休息时间同佢沟通沟通, 把握机会缓和紧张气氛.

    6. "飘浮照"可以令Model 好High, 付出少少时间可以令之后既拍摄更顺利=D

    7.有得拣既话, 拣个好D既朋友, OR 热爱摄影既朋友做助手.

    多谢大家咁有耐性睇晒呢边日记^^~

    我会继续努力, 希望大家都"摄影进步"

    THX^^~

     

    (广告时间: 请支持下我既Page 啦^^")

    John Sing Photography

     

    (广告时间: 请支持下我既Page 啦^^")

    John Sing Photography